|
|
|
|
|
|
|
|
|
|
Lun 3 a viz Gwengolo, niv.157 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Kudenn an dezerzhioù o
ledañ, e Madrid |
|
|
|
|
|
|
|
|
|
Ouzhpenn
2000 arbennigour kaset gant 191 Stad hag 800 aozadur e-maez gouarnamant
zo bodet adalek hiziv e kêr-benn Stad Spagn, dindan renerezh
Aozadur ar Broadoù Unanet. Ar pal zo sevel ur
steuñv war dek vloaz evit stourm a-enep ledadur an dezerzh.
Daou viliard a dud er bed a-bezh zo tizhet gant ar gudenn-se. Betek ar
14 a viz Gwengolo e pado an emvodoù. Er fin e vo savet
"Disklêriadur Madrid". Al lec'hioù tizhet ar
muiañ gant kudenn ledadur an dezerzhioù zo e
Sina, Indez, Pakistan, ar Reter-kreiz, kevandir Afrika hag Amerika ar
Su. En Europa ez eo Spagn a c'hellfe bezañ tizhet da
gentañ. Unan eus abegoù pennañ an
divroañ eo, peogwir e teu ar baourentezh hag an naonegezh
gant an dezerzh. Hervez ABU, e c'hellfe an dezerzhioù
rediañ 50 milion a dud da zivroañ e-kerzh an dek
vloaz a zeu.
|
|
|
|
|
|
Petra
nevez gant an toull er gwiskad ozon ? |
|
|
|
M.M.
|
|
|
|
|
|
Abaoe
pell n'hon eus ket klevet komz ouzh an toull er gwiskad ozon. Un nebeud
gwechoù hon eus bet klevet ez ae war zisteraat, ha netra ken
bremañ, ken ma c'hellfer krediñ n'eus ket
outañ ken.
|
|
|
|
|
|
Gourdrouzet
ur strollad c'hoariva eus Brest |
|
|
|
"Hep lakaat an aon da sevel e fell
deomp lâret ez eus bet graet gourdrouz deomp gant
danvez-dilennad an UNE (tu dehou). Ar strollad politikel-mañ
zo enebet ouzh dodennoù ar pezhioù-c'hoari bet
kinniget e-pad ar Festival hag ouzh al labour sokial bet graet gant tud
yaouank Playa Grande.
[...] Soñjal a ra da lod omp deuet er gumun evit
levezoniñ ar votadegoù. Maer ar gumun zo
gourdrouzet da vezañ lazhet ma yafe ar maout
gantañ. N'eo ket aet ken pell evidomp daoust m'az omp bet
kelaouet sklaer, dre ar radio, n'omp ket degemeret mat ha n'hon eus nag
ar gwir nag ar reizhegezh evit kaozeal diwar-benn traoù zo
dre ar c'hoariva, da skouer an amzer dremenet, hag hon eus
bremañ enebourien c'hoant ganto gwelet ac'hanomp o vont
kuit. Gouzout a reomp ez omp, en ur mod, gwarezet o vezañ
estrañjourien. Met gouzout a reomp ivez e teu buan an
armoù war wel en Ixcan. E-pad an dilennadegoù
diwezhañ e oa bet devet ar
paperennoù-votiñ gant ar strollad en doa bet
kollet [...]. N'ouzomp ket ar pezh a zegouezho,
netra moarvat ha gwell-ha-se. Koulskoude e seblant deomp spontus ha
mezhus. Emañ an tu dehou, evel ma vez boas d'ober, o
kenderc'hel da implij an aon hag ar gourdouz evit tizhout ar galloud." Hoel Louarn Evit gouzout hiroc'h war labour La
Obra: www.laobrasocioteatral.org
e
Plougastell-Daoulaz Kinniget gant La Mutuelle
Intégrance d'an 11 a viz Gwengolo, pezh-c'hoari Monsieur
Butterfly, gant Patrick Massiah, zo bet savet diwar romant
Howard Buten. Brudet eo ar mezeg-skrivagner evit e levr Quand
j'avais 5 ans, je m'ai tué. Istor un den, bet
clown a-vicher, hag
a ziviz sevel ur familh. Advabañ a ra neuze pevar bugel
nammet... Gant fent ha kizidigezh eo kaset an istor war-raok. Kinniget
e oa bet an abadenn-se gant Patrick Massiah evit ar wech
kentañ en Avignon, e 2002. C'hoariet eo bet
gantañ Monsieur Butterfly abaoe un tamm e pep lec'h er
C'hwec'hkorn. Gant skoazell kevredigezh evit sikour an dud nammet hag o
familhoù e vez kinniget an abadenn. Monsieur Buttefly, Meurzh 11 a viz
Gwengolo da 8e noz er sal Avel Vor, hent ar feunteun wenn e
Plougastell-Daoulaz. Evit gouzout hiroc'h: 02 98 43 85 08. |
|
|
|
|
|
Sed aze ur pennad-kelaouiñ (troet
ganeomp) degemeret er sizhun dremenet evit displegañ un
nebeud darvoudoù erruet goude ar gouel c'hoariva Ixcan
Creativo en hanternoz ar Guatemala aozet gant ar gompagnunezh c'hoariva
La Obra (s.o. Bremañ niv.309-310).
Darvoudoù liammet gant dilennadegoù ar vaered hag
ar prezidant, hag a vo d'an 9 a viz Gwengolo.
"Monsieur
Butterfly"
|
|
|
|
|
|
Kampionad
ar Bed atleterezh: berzh Tyson Gay |
|
|
|
|
|
|
|
|
|
Dec'h en deus echuet 11vet Kampionad ar Bed
atleterezh, en Osaka, e Japan. Sportourien ar Stadoù-Unanet
zo deuet a-benn da zastum 26 medalenn, ha 14 anezho en aour. Brud zo
bet tapet gant ar sprinter Tyson Gay, a-orin eus Stad Kentucky. Graet e
oa bet anv dioutañ evit ar wech kentañ da vare
kenstrivadegoù Helsinki daou vloaz zo. Ur vedalenn arem en
doa bet war 200m. Trec'h eo bet en taol-mañ war ar 100m, an
200m hag ar redadeg a-eiladoù 4x100m. Tyson Gaaay zo
bremañ evel Carl Lewis, Michael Johnson ha Maurice Greene,
ar re nemeto o vezañ deuet a-benn da zastum teir vedalenn
aour e kampionadoù bedel atleterezh. E-touez an Amerikaned e
c'heller ivez menegiñ Allyson Félix, dastumet an
aour ganti war an div redadeg a-eiladoù (4x100m ha 4x400m),
ha Bernard Lagat, trec'h war an daou decathlon, 1500m ha 5000m.
|
|
|
|
|
|
|
Hairspray |
|
|
|
Stadoù-Unanet Amerika -
2007 Seveniñ : Adam Shankman
Ur film laouen, leun a
livioù, a fent hag a startijenn eo Hairspray.
Ret eo bezañ gouest da c’houzañv ar
c’hanaouennoù avat, rak ur gwir
“musical” eo, nebeut-tre a dammoù o
vezañ digan. Dedennus eo gwelet ar gevredigezh amerikan
rannet evel ma oa ha Tracy o stourm evit ar re zu met ivez evit ma vefe
degemeret he diavez. Plijus-tre eo ar c’hasting (Christopher
Walken, Michelle Pfeiffer, John Travolta hag all) met dedennus e vefe
marteze keñveriañ ar stumm nevez-mañ
gant ar film orin Hairspray sevenet gant John
Waters e 1988. G.L. Kement ha gouzout hiroc’h
: www.hairspray-lefilm.com |
|
|
|
|
|
|
|
E
fin ar bloavezhioù 50 e Baltimore e vez skignet un abadenn
dañs ha kan evit ar grennarded “The Corny Collins
show”. Tracy a zo ur plac’h yaouank, bihan ha tev,
met youlet ha leun a startijenn. He huñvre a vefe kemer
perzh en abadenn-se. Goude bezañ kejet gant studierien du he
skol ha dañset gante e vez merzet gant Corny ha degemeret en
abadenn. Berzh bras a ra Tracy ha spontañ war memes tro gant
he mennozhioù araokour.
|
|
|
|
|
|
7vet
gouel Electroni[k] Etre
ar 17 hag ar 27 a viz Here – Roazhon |
|
|
|
Diskouezadegoù liesseurt
a vo ivez, al lod brasañ anezho o padout betek kreiz miz Du.
Evit a sell ouzh ar sinema e vo skignet holl oberennoù
Matthew Barney e sinema an TNB etre an 22 hag an 29 a viz Here. Aozerien Electroni[k] a zo ivez o
kregiñ gant un dastumadeg flyeroù bet embannet e
Roazhon abaoe 20 vloaz. Muioc’h a ditouroù a gaver
war al lec’hienn. Ul lodenn vras eus an
abadennoù a zo digoust, re all war-dro 10 euro, ar re
gerañ o vezañ da 15 euro. R.M. Ar programm klok a
c’haller kaout gant al liammoù da heul : www.myspace.com/festivalelectronik |
|
|
|
|
|
Gouestlet
eo ar gouel Electroni[k] d’ar sonerezh elektro ha
d’an holl dachennoù arzoù a
c’hall bezañ tost outañ.
Abadennoù liesseurt, e lec’hioù
liesseurt, a vo kinniget neuze e-pad eil pemzektez miz Here. Un digarez
eo ivez da zizoloiñ arzourien nebeut anavezet, rak gwall
zigor eo ar programm. E-touez ar re anavezet menegomp abadenn
Port-Royal, ur strollad italian a ra sonerezh shoegaze-post rock eus ar
c’hentañ. O paouez embann o eil pladenn emaint,
hag e vo tu da welout anezho e Roazhon d’ar
Merc’her 24. E sal an Ubu e vo tu da glevout ivez
[T]ekël ha The Midnight Juggernauts d’ar Gwener 26
hag er memes sal e teuio Apparat (elektro arnodel alaman) da
seniñ d’ar Sadorn 27.
|
|
|
|
|
|
Rollad
fourmaj-laezh gant kourjetez |
|
|
|
Gwalc’hit
ha sec’hit an 2 gourjetezenn, skejennit
anezho gant un diblusker hep tennañ ar
c’hroc’hen. Soubit ar skejennoù e-barzh
dour berv e-pad 10 eilenn, diouzhtu war-lerc’h en dour
skornet, dizourit. Flastrit an aval-douar, meskit gant
ar fourmaj-laezh, ar poultr safran, pebr hag holen. Raktommit ar forn
(mod kael). Aozit ul loaiad meskaj e-kreiz ul lavnenn kourjetez, Rollit
ha strollit gant ur spegig koad.. Lakait dindan ar gael 2 mn, servijit
diouzhtu. Mari Lubrano |
|
|
|
|
|
180 g fourmaj-laeazh gavr – 2
gourjetezenn – 1 hanter aval-douar poazh – poultr
safran – pebr hag holen