|
|
|
|
|
|
|
|
|
|
Lun 31 a viz Here 2005, niv. 73 |
|
|
|
|
|
|
|
|
|
|
|
|
|
|
|
Ameli, an erevent hag al lambig |
|
|
|
An holl levrioù-se zo bet embannet gant Keit Vimp Bev (5 euro an tamm).
Embannet eo bet gant TES (8,5 euro an tamm). |
|
|
|
|
|
Dec'h e oa bet roet priz lennegel
Langleiz ha priz ar Yaouankiz, da-geñver 16vet Gouel Levrioù Breizh
Karaez. Gant ar gevredigezh Féa ha skolajidi Diwan eo bet roet Eil Priz ar
Yaouankiz er bloaz-mañ. Div rann a oa : 6vet/5vet
ha 4re/3de. Daou levr zo bet priziet bewech. Evit ar re
yaouankañ eo aet ar maout gant Moran Dipode ha 
Gant Kuzul ar Brezhoneg eo bet roet
Priz Langleiz er bloaz-mañ d'ul levr evit ar re yaouank : Ameli
penn-koumoul, savet gant Maguy Kerisit (a-gleiz). Resevet he deus ar skrivagnerez
Priz Langleiz diwar daouarn mab ar skrivagner hag an arzour meur. Istor ur
skolajiadez, n'eo ket laouen gant he c'horf, graet e vez goap ouzh he fouez
er skol, n'eo ket evit gouzañv ar c'hentelioù sport ken... ha ur c'houlzad
kelaouiñ war ar boued zo kroget nevez zo war ar marc'had...
|
|
|
|
|
|
Lodennaouegoù mod-nevez |
|
|
|
Er mare-mañ en Il-ha-Gwilen ez eus daou
raktres lodennaouegoù un tammig ispisial , lodennaouegoù
“ekologel”, e Bazeleg-Hazoù hag e Langoed, Petra zo disheñvel er raktresoù-se ?
Un tamm-mat strishoc’h eo ar c’haier-kargoù evit boaz. Da skouer,
dre ret e rank an dud daspugn ar glav e-barzh ur sistern 7000 litrad, da
implij e-giz o deus c’hoant : da nebeutañ er jardin; met tu zo
goude bezañ silet an dour implij anezhañ en ti evit en em walc’hiñ,
kannañ dilhad pe evañ zoken. Ur familh ha ne implij ket re a zour a
c’hell bezañ emren. Tommet e vez an dour gant kaoterioù dre heol ,
danvezioù zo eo difennet ober gante : n’eus ket droed da lakaat
prenestroù PVC (peogwir n’eus ket tu da adimplij an dafar-se hag eo saotrus-spontus). Er jardin ivez n’eus ket droed
d’ober n’eus forzh petra : difennet eo lakaat plant a
zistruj liesseurted an ekosistemoù e-giz an tuya da skouer, ha ret eo prenañ
ur “roteler” (composteur). El lodennoù boutin ez eus bet soñjet
ivez : n’eo ket ter a vo laket war ar straed met danvez a
c’hell bezañ treuzet gant an dour, kuit da goll an dour-se er sanioù,
lakaet e vo geot war ar riblennoù-straed hag e Bazeleg e vo ur werje evit an
holl. Ar gelaouenn La maison écologique, holl
vrudet e metoù ar sevel tier ekologel zo dilojet evit mont da Vazeleg a-benn
kemer perzh er raktres. Emichañs e vo dilennidi all, e Breizh a–bezh, a
vo dedennet gant seurt raktresoù hag a glasko ober kement all en o
c’humunioù ! http://www.lamaisonecologique.com/ Ti-kêr Bazeleg-Hazoù : 02 99 45
42 27 Ti-kêr Langoed : 02 99 69 92 30 |
|
|
|
|
|
|
|
|
|
|
|
Jules Verne, ar bed keltiek hag ar
mor |
|
|
|
|
|
|
|
|
|
Disadorn e vo kenaozet gant Credib (Kreizenn
enklask ha skignañ identelezh Breizh) ha Skol-Uhel ar Vro un devezh evit
anavezout gwelloc'h al liammoù a oa etre Jules Verne, ar bed keltiek hag ar
mor. Ar skrivagner meur, bet ganet e Naoned, en deus graet ingal anv eus ar
mor. Prezegennoù a vo kinniget a-hed an devezh, etre 9e ha 5e30, e Kreizenn
Skol-veur Gavy Sant-Nazer. E-touez an temoù kinniget : "Sant-Nazer,
kêr Vernek" gant an istorour André Daniel, "Ar mor evit Jules
Verne, un endro frank" gant Jean Chesneaux, istorour, "Douaroniezh
ar broioù kelt en oberenn Jules Verne" gant Jean-Yves Paumier, kañseller
en Akademiezh Breizh.
|
|
|
|
|
|
Rali Katalonia : laouen bras skipailh
Citroën |
|
|
|
|
|
|
|
|
|
Trec’h eo Sébastien Loeb
adarre ! Ar wech kentañ e oa dezhañ gounit rali Katalonia, e
Portaventura. Laouen-tre e oa skipailh a-bezh Citroën. Ar c'hentañ plas tapet
gant Loeb ha setu-eñ kampion evit an eil gwech. An trede gwech evit an
embregerezh kirri-tan. Dek gwech en deus gounezet ar blenier er bloaz-mañ
gant ar Xsara. Disklêriet en deus Claude Satinet, rener meur Citroën, e ruilho
kirri Citroën adarre evit Kampionad 2007.
|
|
|
|
|
|
Oliver Twist |
|
|
|
Seveniñ : Roman Polanski Diwar oberenn Dickens Un emzivad dek vloaz eo Oliver Twist (Barney Clark). Trist ha kalet eo e vuhez, kaset ma vez eus an ti-emzivaded da di an dougerien-arched. Met e Londrez e vefe disheñvel an traoù moarvat ? Gant Fagin (Ben Kingsley) hag a lazh laeron e kavo Oliver danvez ur familh eno ... marteze. Gant teñzorioù al lennegezh e vez
levezonet ar sevenerien filmoù alies. Setu un drama war ar mad hag an droug
ha ne eilpenno ket metoù ar sinema. Kalite e skeudennoù a ra talvoudegezh
film nevez Polanski kentoc’h. Taolennoù frammet kaer a-walc’h da
vezañ renket etre tresadennoù Gustave Doré ha... skeudennoù Epinal a-dra-sur.
Ur film a-zoare eo evit ar vugale ; erbediñ a ran d’an oadourien
mont da (ad)welet Barry Lindon (Stanley Kubrick, 1975) kentoc’h. |
|
|
|
|
|
|
|
|
|
|
|
Stars - Set Yourself On Fire |
|
|
|
Kanada. Ur wech ouzhpenn.
Gwelloc’h eo gouzout : ar c’hanaouennoù savet gant Stars a
laka ac’hanomp da grediñ emaint o tont eus Bro-Saoz (ha kenkoulz
lavarout eus hanternoz ar vro). Anat eo, sonerien Stars o deus tremenet o
yaouankiz o selaou Pulp, Boo Radleys pe strolladoù all evel-se. Ha setu e
kinnigont deomp tonioù pop ha kempenn (selaouit an tonioù kanet gant ar
plac’h), ha plijus-kenañ (Ageless Beauty, Reunion, One More
Night). Hag ar binvioù, hañ ? Ma, an hengoun indie, ma
c’haller lavarout se : gitar evel-just, sonioù elektronek, ha
violoñs. Hag un dra all : dav eo deoc’h gouzout n’eo ket gwall laouen an holl donioù. Da skouer an hini kentañ, anvet Your Ex-Lover is Dead. Ur bladenn dreist evit ar
goañv ! |
|
|
|
|
|
|
|
|
|
|
|
Kap an dilhad |
|
|
|
E 2005 e vez levezonet ar saverien
dilhad gant stil ar bloavezhioù 60. Stumm ar pezh-dilhad a zo treset
tostoc’h ouzh ar c’horf, seksioc’h un tamm-mat anezhañ.
Livioù disheñvel diouzh ar glaz teñval (chokolad, gris, du, gell-sklaer), ha
munudoù prizius (kolieroù feur pe chal) a ya d’ober ar cheñchamantoù pennañ. |
|
|
|
|
|
Gwezhall e oa ar
vantell-vor (kaban) gwiskamant an dud a vor hepken. Deuet eo da vezañ ur pezh
klasel e-touez dilhad ar baotred a vremañ. Ur pezh diazez cheuc’h eo
– ul liv plaen, ar glaz teñval, hag ur stumm unvan implijet en
arme – a zo bet bamet meur a saver dilhad dirazañ :
Saint-Laurent en doa krouet ur stumm evit ar merc’hed diwarnañ, pe
Louis Vuitton a wria feur dezhañ er bloaz-mañ.
Un istor zo d’ar
pezh dilhad-se : gwisket e vez gant ar vartoloded, al labourerien-vor
ha sonerien Vreizh abaoe an 18vet kantved ; ken stank e oa an
danvez anezhañ ma oa tost dizintrus d’ar glav. E-pad an eil brezel bed
e voe gwiskamant soudarded ar morlu gall hag ar Royal navy. Gant e voutonioù
treset stumm un eor outo e veze anavezet.