|
|
|
|
|
|
|
|
|
|
Lun 20 a viz Here,
niv.210 Pellgargit ar pennadoù e
stumm Word Evit resev kemennadenn
nevez Bremaik bep Lun, |
|
|
|
|
|
|
|
|
|
|
|
|
|
|
Ar Redadeg: 1000 km a-benn 2010 |
|
|
|
Ur chekenn 50000 euro da brofañ da Ziwan a oa gant
aozerien an darvoud. Implijet e vo evit diorren ar gevredigezh, pa’z a
war gresk tamm-ha-tamm: goude skolaj Naoned ez eus raktresoù digeriñ skolioù
e su Breizh a-benn an distro-skol. Divizet o deus ar re a ren Diwan adreiñ
5000 euro da gevredigezh ar Redadeg, a-benn kaout peadra da gas raktres 2010
da benn. A-benn daou vloaz e vo klasket lakaat muioc’h a dud er jeu.
Muioc’h a dud a youl vat a vo
ezhomm dre ma vo hiroc’h an hentad (war-dro 1000 km). Klasket e vo
tizhout muioc’h an embregerezhioù, rak afer an holl Vretoned eo dazont
ar yezh. Dreist-holl pa weler splann ne vo ket trawalc’h ar
c’hemm a zo bet er Vonreizh evit gwareziñ dazont ar brezhoneg, evel
m’en deus embannet Padrig Herve, kenbrezidant Diwan. R.M. An holl re dedennet gant ar Redadeg a c’hall
mont e darempred gant kevredigezh "Ar Redadeg a di da di": |
|
|
|
|
|
Darvoud brasañ Diwan 30 eo bet ar Redadeg: an taol
kentañ e oa, hag un taol brav eo bet. Sed aze ar pezh o deus embannet ar re o
deus graet war-dro, hag ivez pennoù bras Diwan, bodet e Ti ar Vro Kemper
d’an 18 a viz Here. War-dro 8000 reder o doa kemeret perzh er
bloaz-mañ, ha spi zo e vint niverusoc’h c’hoazh a-benn daou
vloaz. Rak lañset eo an traoù da vat: ur gevredigezh distag diouzh Diwan a
raio war-dro aozañ Redadeg 2010, gant ar pal kenderc’hel, evel-just,
met ivez kreskiñ. Ha war-raok ez a ar raktres: tremen a raio dre ret dre
Naoned, un tamm tro a vo e bro Roazhon hag echuiñ a raio un tu bennak e kreiz
Breizh: e-kostez Pondi marteze. Kement-se a c’hoarvezo etre an 11 hag
ar 15 a viz Mae 2010.
|
|
|
|
|
|
Echu gant an tailhoù izeloc'h evit an
treloskoù glas |
|
|
|
M.M. |
|
|
|
|
|
Emañ Bodad an Arc'hantañ e-barzh ar Vodadenn
Vroadel o paouez divizout e vo paouezet da izelaat an tailhoù evit an
treloskoù glas ac'hann da 2012. Kement-mañ a dalvez e vo dav paeañ an TIPP
(Tailh Diabarzh war Produoù an Eoul-Maen) evito ivez.
|
|
|
|
|
|
Konkour haiku festival Taol Kurun |
|
|
|
An disoc'hoù a vo roet e miz Genver 2009, er stal
levrioù Penn da Benn, e Kemperle. Embannet e vo an haiku gwellañ en ur
gazetenn hag en ul levrig gant un 30 barzhoneg bennak ennañ. Gallout a rit
kas ho haiku, e brezhoneg, gallaoueg pe galleg d'ar chomlec'h-mañ: taolkurun@laposte.net Filaj e Brec'h gant ar skrivagner
Yann Bijer
Kerlenn Sten Kidna, 02 97 29 16 58 |
|
|
|
|
|
Roet ez eus bet lañs d'ar seizhvet kenstrivadeg
haiku aozet gant Taol Kurun! 230 perzhiad a oa bet er bloaz paseet, an darn
vrasañ anezhe o kemer perzh dre Internet. Tem ar festival er bloaz-mañ zo:
"A-stroll ha kengret?/Le grand bazar de la solidarité". Ar
ger a ranker ober gantañ en haiku bet dibabet gant ar skipailh aozerien a zo:
an dorn.
Diriaou e vo ar skrivagner Yann Bijer e Bro an
Alre, pedet gant Kerlenn Sten Kidna evit boulc'hañ Devezhioù ar brezhoneg a
vo aozet eno. Un den a Vro-Vigoudenn eo Yann Bijer, brezhoneger a-vihan, bet
skrivet gantañ levrioù evit ar vugale hag evit ar re en oad. En o mesk: Avel
Gornog bet embannet e 2007 get Al Liamm, bet resevet gantañ priz Langleiz ha
Per Roy. Da 8e30 noz e Mediaoueg Brec'h e vo ar filaj d'ar Yaou 23. Istorioù
fentus, kontadennoù, diviz gant an dud a vo, digoust ha digor d'an holl
ouzhpenn-se.
|
|
|
|
|
|
9vet Marathon Gwened |
|
|
|
|
|
|
|
|
|
Dec'h e oa bet redet 9vet Marathon Gwened. Klasket
en doa Olivier Le Guern (UA Langaeg) tapout kentañ plas ar podiom adarre,
goude ma vefe aet ar maout gantañ warlene. Erruet e oa bet da gentañ e
Marathon Gwened e 2007, da drede e 2001 ha 2002 ha da bevare e 2003. A-benn
ar fin eo an eil plas zo aet gantañ er bloaz-mañ: tremenet eo Jérôme Gilet
(US Laval) dirazañ. Berzh en doa graet paotr Laval c'hoazh e marathon e gêr
orin koulz hag e hini Naoned. Deuet eo a-benn da dibaseal Olivier Le Guern e-tro
an 30vet kilometrad, hag e fin ar redadeg en doa berniet 2'45" lañs war
paotr Pledran (enskrivet e kleub UA Langaeg). Echuet en deus Jérôme Gilet
Marathon Gwened e 2e30'31". Diouzh tu ar merc'hed eo aet ar maout gant
Anne Bertrand (Intersport Kemperle) e 2e58'38". An eil gwech eo dezhi
gounit redadeg Gwened, ha gwellaet he deus he rekord zoken! Prest eo hi da
gemer perzh adarre e Marathon Gwened, a-benn bloaz, evit dekvet deiz-ha-bloaz
ar redadeg.
|
|
|
|
|
|
|
Vicky Cristina Barcelona |
|
|
|
Stadoù-Unanet – 2007 Senario ha seveniñ : Woody Allen
“Europa gozh” eo stern nevez filmoù ar
sevener newyorkat abaoe un nebeud bloavezhioù. Da-heul e deiroberenn saoz e
teu da Spagn, un digarez da cheñch aergelc’h c’hoazh eo. Daoust
da bep tra emeur amañ gant ur film a denn muioc’h da godoù boutin filmoù
kozh Woody Allen eget an tri a-raok: tud desket en ur gêr vras gant
diskouezadegoù fin, predoù lipous ha lec’hioù romantel. Ken bras ha ken
bihan ma c’hellfe Barcelona bezañ ur c’harter eus New-York lakaet
warnañ ur gwiskad katalan. Ne vern, ar pezh a ra talvoudegezh Vicky
Cristina Barcelona eo trivliadoù an tudennoù hag ar rouedad liammoù a
skoulm etrezo. Taol kaer Woody Allen eo kontañ istor gwirheñvel ur
c’houblad-tri ha derc’hel a-hed e film gant un aergelc’h
friant hep ober lagataerien eus e arvestourien. Johansson-Bardem-Cruz eo an
triad a oa ezhomm evit dont a-benn anezhi moarvat. Meriadeg Vallerie Kement ha gouzout muioc’h : http://www.vickycristina-movie.com/ Court Métrange - Roazhon (TNB) 23-25
a viz Here 2008
Ar
bloaz-mañ e vo a bep seurt tud eus bed ar c’hleweled pe studierien er
juri (6 a dud), hag ar prezidant a zo Alexandre Astier (krouer Kaamelott). An
abadennoù en TNB (1 straed Sant-Heler) a grogo d’an 23 a viz Here, met
un toulladig traoù all a vo a-raok: un diskouezadeg, an "Drive-in
fantastique" war dachenn skol-veur Roazhon 2 hag un abadenn ispisial
gant filmoù studierien gant sikour kevredigezh Warlock hag ar sine-club
Cinémaniacs e skol-veur Roazhon 1 da skouer. Ouzhpenn
da se e vo enoret 400 vloaz kêr Gebek gant ur rummad filmoù breizhat ha
kebekat. Ur sapre
sizhunvezh a vo e Roazhon neuze, peadra da spontañ ha da huñvreal! G.L. A-benn
gouzout hiroc’h, al lec’hienn klok-tre gant ar programm resis,
prizioù h.a: http://www.courtmetrange.com/index2.html |
|
|
|
|
|
|
|
Div blac’h yaouank deuet eus ar
Stadoù-Unanet da vakañsiñ e Barcelona eo Vicky
|
|
|
|
|
|
Oasis – Definitely Maybe |
|
|
|
R.M. Embannet gant Creation Records Oasis a sono e Zenith Naoned d’ an 12 a viz Genver 2009. Muioc’h a Oasis: Er bloaz-mañ e kinniger ur wech ar miz ur bladenn
a-bouez en istor ar sonerezh amplaet |
|
|
|
|
|
Kement a draoù a zo bet lavaret diwar-benn ar
vreudeur Gallagher hag o emzalc’h ken ez eo bet disoñjet ar pep
pouezusañ: o fladennoù. E 1994, e-keit ma selaou al lod brasañ eus an dud
sonerezh grunge amerikan, e teu war wel ur skouer beurvat eus ar sonerezh
breizhveuriat: 5 den eus Manchester, begoù bras anezho, hag int plijet gant
ar sonerezh (kompren: The Beatles), al lonkañ (kompren: tremen eurvezhioù en
ur pub) hag ar vell-droad (kompren: Manchester City, ha n’eo ket
Manchester United). O levezonioù a verzer diouzhtu: eus The Beatles da The
Who, en ur dremen dre T Rex (Cigarettes and Alcohol) ar vreudeur
Gallagher ha peurrest ar strollad a enor un 30 bloavezh bennak a sonerezh pop
breizhveuriat, hag er c’hanaouennoù kinniget amañ eo aes diskoachañ
gwezenn familh ar sonerezh-se. Eus Shakermaker da Supersonic,
eus Live Forever da Slide Away e tiskouezont int gouest da
sevel tonioù a blijfe da n’eus forzh piv, hag e savont unan eus
pladennoù pouezusañ ar bloavezhioù 1990. Da heul e teuio (What’s the
Story?) Morning Glory, heñvel ha gwelloc’h c’hoazh. Da heul e
teuio ivez al luskad anvet Britpop, ne bado ket gwall bell, met strolladoù
a-bouez a vo dizoloet neuze, en o zouez Pulp, Blur pe c’hoazh Manic
Street Preachers.
|
|
|
|
|
|
Oferenn vrezhonek e Roazhon |
|
|
|
D'ar 15 a viz Du da 6e30 noz e vo lidet un oferenn
vrezhonek e kouent an Dominikaned, 3 straed Brizeug e Roazhon. Goude ar
bedenn e vo ur banne a-gevret gant an holl berzhidi. Evit gouzout hiroc'h: Tagliatelle
gant bazilik
Dibluskit
ar pimantoù dous gant un diblusker, displusit, ha troc’hit a lavnennoù.
Lakait anezho da fritañ war dan etre, gant 3 loaid eoul, 2 mn dizoloet ha 8
mn goloet. Holenit hag ouzhpennit an ivinenn gignen drailhet. Meskit an
toazennoù gant ar pimantoù dous, an olivez, chug ar suraval gant tammoù rusk
suraval. Lakaat a-gostez er yenerez. Da goulz
ar pred, ouzhpennit ar mozarella, troc’het a dammoù hag ar bazilik
miñset. Mari Lubrano Lennit Bremañ Here!
An
teuliad peder fajennad zo gouestlet d'ar radio en niverenn-mañ. Radio Bro
Gwened ha Radio Kreiz Breizh a lid er bloaz-mañ o 25 bloaz ha gant France
Bleu Breizh Izel e vo sinet ar garta "Ya d'ar brezhoneg"... Peder
fajennad ispisial a gaver ivez, gouestlet d'an deskadurezh uhel e brezhoneg,
savet gant Lukian Kergoat. Heuliad ar pennad bet embannet e-barzh niv. miz
Gwengolo Bremañ eo. Bep miz e
kinnig ar gelaouenn Bremañ, abaoe 1980, pennadoù brezhonek a bep seurt,
diwar-benn Breizh hag ar bed, kinniget brav, e doare ur magazin. Embannet
gant Skol an Emsav (4,5 euro an tamm) E
gwerzh er stalioù levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
