|
|
|
|
|
|
|
|
|
|
6 a viz Gwengolo 2004, niv. 22 |
|
|
|
|
|
|
|
|
|
|
|
|
|
|
|
Lazhadeg
Beslan |
|
|
|
Kroget
o deus al lidoù e koun an 338 den, kalz a vugale en o zouez,
zo bet lazhet, e Beslan, en Osetia-an-Norzh. N'eus bet keloù
ebet eus un 260 den bennak. Piv e oa an dud armet o deus aozet ar
gwalldaol ? Hervez ar mediaoù bras, 32 diouto zo bet lazhet
e-kerzh an emgann. Tri ezel eus ar skipailh "sponterien" zo bet harzet
gant lu Rusia. Met n'eus bet disklêriet netra diwar-benn bro
orin ha pal an dud-se. Embann a ra ar gouarnamant rusian e oa bet aozet
ar gwalldaol gant Tchetchened, met n'eus bet gwiriet netra en ofisiel.
Disklêriet en deus Aslan Maskhadov, bet prezidant emrenour
Tchetchenia, ne c'helle ket bezañ bet aozet ar gwalldaol
gant Tchetchened, ha tamallet en deus prezidant Rusia, Vladimir Poutin,
da vezañ kiriek eus disoc'h lazhadeg Beslan. |
|
|
|
|
|
|
|
|
|
|
|
Ar
Gaucho hag ar Regent berzet a-benn ar fin |
|
|
|
En
un droienn vrudet en doa lâret Einstein ne chomfe ket bev
mab-den pell amzer c’hoazh ur wezh aet ar gwenan da netra.
Paneve ar gwenan ne c’hellfe ket al lodenn vrasañ
eus ar plant strujañ. Ha ma ne vefe ket a legumaj nag a
edeier ken, ne vefemp ket pell da vont d’an Anaon ni ivez.
Padal e vez implijet stank er parkadoù maiz abaoe
bloavezhioù daou bestisid, ar Gaucho hag ar Regent, hag a
lazh ur bern gwenan. A-benn ar fin e vo difennet ober gante adalek
2005. Divizet zo bet gant Ministrerezh al Labour Douar e oa
pouezusoc’h gwareziñ ar gwenan eget mont da heul
ar broduerien temz hag ar saverien maiz. Ar re–se a
nac’h e vefent kiriek da varv ar gwenan keit ha ma
n’eo ket prouet e vefe pennkaoz ar
produioù-se : padal e vez merzet o
efedoù abaoe pell war ar gwenan....ha war ar wenanerien
ivez. Ret eo goût eo dañjerus evit an dud ivez ar
produioù “neurotoxique”-se. Tapet e
vezont dre analañ ha dre lonkañ. Adkavet e vezont
e-barzh an dour, ar frouezh, al legumaj, al laezh, ar c’hig
hag en aer ivez. |
|
|
|
|
|
|
|
|
|
|
|
Diskouezadegoù
arz a-vremañ e Breizh e-pad an hañv |
|
|
|
Evit
ar re ne faot ket dezhe c’hoari krampouezh àr ar
jibl a-hed an deiz e-pad ar vakañsoù eh eus un
nebeud diskouezadegoù da welet e Breizh e-pad an
hañv. |
|
|
|
|
|
|
|
|
|
|
|
Mell-droad |
|
|
|
Adkroget
eo kampionad mell-droad Frañs abaoe penn-kentañ
miz Eost. Er bloaz-mañ n’eus nemet daou skipailh
eus Breizh zo deuet a-benn da chom er rummad kentañ. Ne vo
nemet Roazhon ha Naoned evit difenn livioù Breizh en ur
c’hampionad arvarus m’emañ niverus ar
skipailhoù a c’hellfe gounit. Evit ar mare Roazhon
en em denn kentoc’h mat gant un 10vet plas hag a ro
fiziañs evit an dazont. Naoned, avat, ne zeu ket a-benn da
zibradañ eus ar 15vet plas. En eil rummad ez eo diaes an
traoù evit Gwengamp, skarzhet eus ar rummad 1añ
warlene : 20vet goude 6 devezh. An Oriant, 9vet evit ar mare, zo unan
eus ar skipailhoù kreñvañ evit pignat
er rummad kentañ marteze. Eus Brest e teu ar souezhadenn
blijus avat, gant ur skipailh nevez en eil rummad, hag en em gav da
gentañ evit ar mare ! Ma c’hellfe reiñ
mennozhioù d’ar re all… |
|
|
|
|
|
|
|
|
|
|
|
Clean |
|
|
|
Frañs
- 2004 |
|
|
|
|
|
|
|
|
|
|
|
Breizh,
Keltia ha BT... |
|
|
|
Dre
ma lenner bannoù-treset e kaver amañ hag a-hont
daveoù da Vreizh, d'ar pobloù keltiek ha d'o
sevenadur. Damselloù a vo klasket reiñ, a dreuz
lenn. Evit kregiñ, un oberenn n'haller ket chom hep he
menegiñ : Bran Ruz gant A. Deschamps ha C. Auclair, bet
embannet e 1981 gant Casterman [les romans (A SUIVRE)]. 195 pajennad ,
treset kaer (gwenn ha du) a gont deomp dre vojenn Kêr-Is
staliadur ar Vretoned en Armorika. Ar stourm etre drouizelezh ha
kristeniezh, selloù disheñvel ar gristenien
(Gwennole ha Kawrantin). Daveoù ivez da stourmoù
a-vremañ pobl Vreizh en ur stumm yaus-kenañ, blaz
ar bloavezhioù 70, kuita ! Da lenn, sur. Da gaout en e
levraoueg, ken sur all. |
|
|
|
|
|
|
|
|
|
|
|
"Ar
marc’h-houarn du" e Nervouster |
|
|
Ma
c’hoarvez ganeoc’h tremen ur frapad amzer war enez
Nervouster, kit da zebriñ er preti anvet "Ar
marc’h-houarn du". Ne c'hellot ket faziañ. Ur gwir
velo zo harpet ouzh ar voger c’holoet a c’hlasvez.
Un daol ha div gador goad a ra un degemer mat. E diabarzh ar preti e
vezer plijet diouzhtu gant al livioù sklaer, ar mein dizolo
hag an diri gwenn. An ostizez a zo tremen hegarat. Hag ar
c’heginañ a zo dispar :
produioù fresk eus ar vro a vez implijet dreist-holl, ha
krouiñ a oar ar mestr-keginer. Un nebeud
skouerioù hepken : ur saladenn pechez hag abrikez
blazet gant fanouilh ha kokardin… Hag un dartezenn chokolad,
an teuzer ! |
|
|