|
|
|
|
|
|
|
|
|
|
Lun 8 a viz Meurzh, niv.276 Pellgargit ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
Dilennadegoù Togo: disoc'hoù tabutet |
|
|
|
|
|
|
|
|
|
D'ar Yaou 4 a viz Meurzh e
oa bet aozet dilennadeg prezidant nevez Togo. Ne oa bet embannet an disoc'hoù
nemet d'ar Sadorn noz avat. Bodad an dilenn en deus roet da c'houzout en doa
dastumet Faure Gnassingbé [skeudenn] 60,9% eus ar mouezhioù. 64,68% eus an dud enskrivet
a vefe bet o votiñ. Danvez-prezidant an tuad enep, Jean-Pierre Fabre, en deus
disklêriet bezañ eñ ivez dastumet etre 55% ha 60% eus ar mouezhioù ha nac'h a
ra diviz ar Bodad dilenn. Evitañ n'eo ket bet reizh an doare da aozañ ha da
gontañ ar votoù. Un trede danvez-prezidant a oa war ar renk, Yawovi Agboyibo,
dastumet 2,96% eus ar mouezhioù gantañ. Aet e oa Jean-Pierre Fabre gant meur
a gant den a-du gantañ da vanifestiñ e Lomé, kêr-benn Togo. Poliserien hag
archerien o deus divodet ar strollad manifesterien o vannañ aezhennoù. Pemp
bloaz zo e oa bet reuz
|
|
|
|
|
|
Tabut war
ar Pelargoniom |
|
|
|
M.M. |
|
|
|
|
|
E fin ar miz tremenet e
veze barnet an embregerezh Schwabe, eus Alamagn, evit un afer liammet ouzh al
louzoù Umckaloabo, lakaet ganti war ar marc'had, ha savet diwar ar blantenn
Pelargoniom. Gant div gevredigezh, "Kreizenn Afrikan evit Liested ar
Boudoù Bev", ha "Disklêriadenn Berne", e veze kaset an
dagadenn. An abeg: lakaet he deus an embregerezh brevedoù war an doare da
implijout ar blantenn, ha gounit a ra kalz arc'hant o werzhañ al louzoù,
padal n'en deus ijinet netra, dre ma ne ra nemet adimplijout gouiziegezhioù
hengounel poblañsoù Afrika ar Su, ha ne ro gwenneg ebet d'ar re-se diwar
kement-mañ. 15€ e vez gwerzhet ar voutailhad, diwar ar re-se ez eus
12€ o vont d'an embregerezh, ha diwar kement-se n'eus nemet 0,90€
o vont d'an dud o labourat er vro. Laerezh ur skiant-prenet digant ar poblañsoù,
herzel oute, gant ar breved, da implijout anezhi, ha gounit e-leizh a arc'hant
diwar-se, setu un doare d'ober gwall dizoujus. Evit kement-mañ eo bet nullet
ar breved gant Ofis Europa ar Brevedoù.
|
|
|
|
|
|
Barzhoniezh: lennadennoù, Anjela
Duval ha barzhezed all |
|
|
|
D'ar Gwener 19 a viz Meurzh
e vo kinniget an abadenn, e Sal Gouelioù Kawan, da 8e noz. D'ar Meurzh 16 e
vo tu da welet rik ar memes abadenn e levrdi Le Bel Aujourd'hui,
da 8e noz ivez, e Landreger. An div abadenn zo digoust ha digor d'an holl. Evit gouzout hiroc'h : Levraoueg Aodoù-an-Arvor, skourr Kawan, e ti Ti ar
Vro, hent Jean Monnet, 22140 Kawan. Pgz: 02 96 49 12 06 Postel: PUILLSTEPHANBleuenn@cg22.fr Blog : http://levraouegaodouanarvorkawan.nireblog.com Lec'hienn : http://www.printempsdespoetes.com |
|
|
|
|
|
Ar festival
|
|
|
|
|
|
Mell-droad:
Marsilha-An Oriant (1-1) |
|
|
|
|
|
|
|
|
|
Kontañ a rae krogad dec'h
evit 27vet devezh kampionad R1 Frañs. Adalek an taol-kregiñ o deus paotred
Marsilha klasket lakaat diaes ar Pennoù-Merluz, gant ar vell tapet digant
Morel gant Valbuena, hag adkaset eeun war-du palioù an Oriant. Re bell e oa
Niang evit seveniñ ar pal, dre chañs evit paotred Gourcuff. Tamm-ha-tamm,
daoust da wask Marsilhiz, e save ar Pennoù-Merluz o difenn. N'eo nemet ur
frapadig a-raok an ehan e teuas a-benn Niang da blantañ en un doare splann ar
vell e kaoued an Oriant. Bountet gant ar c'hoant da vont pelloc'h evit
krignat un toullad poentoù ouzhpenn, ne oa ket Marsilhiz ken aketus. Klasket
o deus ar Pennoù-Merluz profitañ, ha dedennusoc'h eo bet an eil prantad
c'hoari. Ur wech kuitaet an dachenn gant Niang o deus seblantet paotred an
Oriant kaout muioc'h a fiziañs enno. D'ar 64vet munutenn e teue a-benn Koscielny
da c'hounit poent an Oriant evit bezañ a-rampo gant skipailh Marsilha. Evel
m'eo bet meneget gant Le Télégramme, eo a-drugarez da zalc'husted ha youl
Audard ha Koscielny e teu a-benn ar Pennoù-Merluz er mare-mañ da zerc'hel
penn ouzh ur skipailh evel hini Marsilha.
|
|
|
|
|
|
|
Shutter Island |
|
|
|
Stadoù-Unanet
– 2008 Seveniñ
: Marin Scorsese Difennet
d’ar re dindan 12 vloaz
Un abadenn stegn eo, liv filmoù polis ar
bloavezhioù 50 warni. Adalek ar skeudennoù kentañ e wask Scorsese war hon
nervennoù. Awenet-bras eo bet gant e senario : staliañ a ra un
aergelc’h mougus hag enkrezus war un dro hag a glot mat gantañ. An
aktor a zere eo Leonardo DiCaprio evit enkorfañ un den a stourm ouzh e
dasmantoù. Kement-se a ya d’ober unan eus filmoù gwellañ Scorsese, ar
pezh n’eo ket dister tamm ebet. Meriadeg Vallerie Evit gouzout hiroc’h : |
|
|
|
|
|
|
|
O kregiñ emañ ar gorventenn pa zilestr ar marshal
Teddy Daniels
|
|
|
|
|
|
Art Rock : 20 - 23 a viz Mae e Sant-Brieg |
|
|
|
D'an 20 a viz Mae e vo
kinniget rap gant Lucy Love, hag ur sonadeg krouet gant Air ha Yi
Zhou aozet a-ratozh-kaer evit Art Rock. En deiz war-lerc'h e sono The
Low Frequency in Stereo, ur strollad eus Norvegia. War a lenner e veskont
levezonioù pop ha hini Sonic Youth ha hini Stereolab. Dont a raio ivez Revolver
(sonerezh pop), Vitalic (sonerezh elektro nerzhus), Ghinzu
(rock) hag Olivia Ruiz. D'ar Sadorn e vo kinniget Pete
Doherty (sonerezh rock-pop saoz), Coeur de Pirate (ur plac'h
hec'h-unan gant he fiano), Caravan Palace (jazz swing hag elektro), White
Rabbits (pop underground), The Heavy (meskaj
blues-soul-rock-reggae) ha Féfé (hip hop). Echuiñ a raio an traoù d'ar
Sul 23 gant Gaetan Roussel (bet ezel eus Tarmac ha Louise Attaque), Bibi
Tanga and the Selenites (meskaj sonerezh Afrika, funk, hip-hop), The
Go! Team (pop saoz dic'hortoz [skeudenn]), Jacques Dutronc ha Novak
3D Disco (sonerezh elektronek). Evel bep bloaz e vo
kinniget ivez diskouezadegoù arzoù niverel ha filmoù (programm kinniget gant Arte). Pass tri devezh 70 euro,
nozvezhioù etre 10 ha 33 euro. R.M. Muioc'h a Art Rock : http://www.myspace.com/festivalartrock |
|
|
|
|
|
Er sizhun dremenet hor boa
graet anv eus rakprogramm Art Rock. Embannet eo bet ar programm klok abaoe.
|
|
|
|
|
|
|
Flañ du Iwerzhonat |
|
|
|
Danvez: toaz tartez – 1 loaiad vras
bleud maiz – 3 melen vi – ½ litrad laezh yen – 1½ loaiad vras sukr – ½
loaiad dourenn vanilhez –
1 hanter tasad alamandez drailhet – un toullad alamandez
troc’het a dammoù evit ober brav – 4/6 kerezenn koñfizet
-Meskañ ar bleud maiz hag
ar melen vi. Ouzhpennañ ur banne bihan a laezh. -En ur gastelodenn, lakaat
ar peurrest eus al laezh da virviñ. Lakaat al laezh tomm er meskaj. Meskañ
diehan. -Gwalc’hiñ ar
gastelodenn gant dour yen ha lakaat ar meskaj enni da virviñ en-dro
goustadik. -Lakaat ar sukr, an
alamandez drailhet hag ar vanilhez, ha meskañ mat. Lakaat ar meskaj en toaz ha lakaat da yenaat. Kinklañ ar flañ gant
tammouigoù alamandez ha kerez koñfizet. Riwanon Lennit Bremañ Meurzh 2010 !
An teuliad zo gouestlet er
miz-mañ d'an dilennadegoù-rannvro. Pevar bloaz en do ar c'huzul nevez evit
kas war-raok e raktresoù. Goulennet ez eus bet ouzh an 11 listenn war ar renk
e Rannvro Breizh reiñ o c'hinnigoù e-keñver labour hag armerzh, endro ha
diorren padus, yezh ha sevenadur, hag an adunvanidigezh. Kendalc'het e vo er miz-mañ
gant div bajennad "Lennomp!", bet soñjet a-ratozh evit ar re zo o
teskiñ brezhoneg. M’ho pez plijadurig o lenn Bremaik,
plijadur ho po o lenn Bremañ, sur! Bep miz, abaoe 1980, e
kinnig ar gelaouenn Bremañ pennadoù brezhonek a bep seurt,
diwar-benn Breizh hag ar bed, kinniget brav, e doare ur magazin. Embannet gant Skol an Emsav (4,5€ an tamm – 50€ evit ur
bloaz – 60€ evit an estrenvro – 4€ bep miz dre
lamadenn) E gwerzh er stalioù-levrioù a ginnig danvez
Breizh, pe dre goumanant. Evit gouzout hiroc'h: www.breman.org |
|
|
|
|
|
|
|
Stourm difeuls kêriadenniz
Bil'in e Palestina, dilennadeg prezidant Togo, steuñv gouarnamant Frañs
e-keñver ar bezhin glas, Emgavioù Dizagn breizh en Oriant... Kaoz zo eus an
holl draoù-se hag eus traoù all c'hoazh e-barzh niverenn Bremañ
miz Meurzh 2010.