|
|
|
|
|
|
|
3 a viz Here 2005,
niv. 69 Pellgargit ar pennadoù e stumm Word |
|
|
|
|
|
|
|
|
|
Tost
da 6 000 den e Sant-Nazer |
|
|
Evit
ur velestradurezh o ren war pemp dempartamant Breizh e oa deuet tost da
6 000 den e Sant-Nazer, disadorn. Hervez ar gevredigezh a aoze
an degouezh, Breizh Unvan, e oa bet tu da welet tud eus Breizh a-bezh,
ha dreist-holl tud eus al Liger-Atlantel ha bro Sant-Nazer.
Bannieloù a oa e-leizh, sonerien a oa ivez, ha sioul-tre eo
bet an dibunadeg, echuet dindan ar glav e-kichen bon
splujerezioù Sant-Nazer. Gant skoazell Kuzul Sevenadurel
Breizh, Skol-Uhel ar Vro ha Galv Karaez e oa bet aozet. Dilennidi
a oa er vanifestadeg, Patrick Mareschal, prezidant PS Kuzul-departamant
al Liger-Atlantel, en o zouez. Komzet en deus d'ar vanifesterien evit
kemenn kroudigezh ur bodad kenlabour Kuzul-rannvro
Breizh/Liger-Atlantel, d'an Hervez
prezidant Breizh Unvan, Emil Granville, n'eo ket a-walc'h
aozañ bodadoù kenlabour. C'hoant en defe gwelet
Breizh unvan en-dro a-benn an dilennadegoù rannvroel da
zont, e 2010. Evit
gwelet logo nevez Kuzul-rannvro Breizh : http://www.region-bretagne.fr/CRB/Public/services_en_ligne/espace_documentation/le_logo_de_la_region |
|
|
|
|
|
|
Ar
Biotreloskoù : un diskoulm gwir ? |
|
|
Erru
eo ker-ruz ar petrol evit an deizioù ha n’aio ket
war wellaat : e 65 dollaroù emañ ar barilhad
bremañ ha gallout a rafe dont e 380 dollar a-benn 2015,pa ne
vo ket ken anezhañ ‘gozik ! Ha 50% eus an
tireoul-se a vez implijet evit an dezougen (kirri, bagoù,
nijerezed). Un diskoulm burzhudus a oa bet kinniget gant ar gouarnamant
gall e fin miz Eost evit talañ ouzh ar c’hresk war
priz ar petrol : ar biotreloskoù. Petra
an diaoul eo ar biotreloskoù-se ?
Treloskoù diwar plant e-giz troioù-heol, kolza,
koad pe kolo zoken. Embannet eo bet en doa c’hoant ar
gouarnamant mont eus 1% a viotreloskoù diwar an holl
dreloskoù da 5,75% e 2010. Ur soñj kaer eta, war
a seblant. Met
pa vez sellet pishoc’h, n’eo ket ken
gwir-se : Ne
vo ket tu da erlec’hiañ ar petrol gant
ar biotreloskoù james : a-benn gounit ar plant
d’ober ar biotreloskoù diwarne e vefe ret kaout
kement a blas ma ne vefe ket plas ken evit gounit ar plant a vez
debret. Neuze abalamour da se, biken ne vo aotreet ez afe dregantad ar
biotreloskoù en tu all da 5,75%. Forzh
penaos ne ziskoulm ket ar biotreloskoù afer ar gaz
efed ti-gwer : ret eo implijout petrol a-benn gounit ar
plant-se eus un tu, ha mod all pa vez devet an treloskoù-se
e teu gaz efed ti-gwer ivez e-giz gant ar strilheoul pe ar gazeoul. Penaos
e c’heller renkañ ar gudenn vras-se neuze, kudenn
an diouer a betrol, hag a vrasay a vloaz da vloaz, betek
kreñvaat an douflez a zo etre ar re binvidik a
c’hello kenderc’hel da baeañ ar petrol
hag ar re baour ha ne c’hallint ket ? An
diskoulm nemetañ eo beveziñ nebeutoc’h
a betrol, da skouer strishaat implij ar c’hirri-saout (4x4),
broudañ implij ar c’hirri-boutin, an tren pe ar
marc’h-houarn. Met
arabat huñvreal : daoust d’ar
strivoù, a-benn un nebeud bloavezhioù e vo echu
tapout ur c’harr-nij evit mont da
vakañsiñ. http://www.caradisiac.com/php/actu_enq/enq/tests/test243/mg_12431_biocarburants.php Hag
ivez al levr : “Pétrole apocalypse”,
gant Yves Cochet, Fayard, 276 p. Beveziñ :
consommer (Bio)Trelosk :
(bio)carburant Strilheoul :
essence |
|
|
|
|
|
|
40
vloaz Ar Vro Bagan |
|
|
Evit
lidañ 40 vloaz ar strollad c’hoariva Ar Vro Bagan
e vo aozet ur Fest Deiz ha Noz e Plouzeniel, er sal Broceliande adalek
18e d’an Evit
gouzout hiroc'h : Ar Vro Bagan, pgz :
02 98 04 50 06. |
|
|
|
|
|
|
Mell-droad :
Naoned ha Roazhon trec'het |
|
|
Disadorn
e oa aet Kanaried Naoned da Bariz, evit talañ ouzh
c'hoarierien ar PSG. Daoust da Cissé, eus ar PSG,
bezañ bet skarzhet eus Tachenn ar Briñsed, o deus
gounezet ar Barizianed daou bal gant Yepes ha Pauleta. Poent ebet evit
Naonaediz. Huñvreal
a rae skipailh "ruz-ha-du" Roazhon bezañ trec'h war Lyon,
dec'h da noz, war dachenn stad hent an Oriant. Goude ur pal
kentañ bet gounezet gant ar Roazhonad Kallstrom,
c'hoarierien Lyon zo deuet a-benn da cheñch penn d'ar vazh
gant Juninho. Tiago ha Wiltord o deus gounezet an daou bal all. Ar
c'hoari a oa a-bouez etre Lyon ha Paris SG dreist-holl, peogwir emaint
e penn uhelañ renkad al L1 (Lyon, kentañ gant 24
poent, PSG eil gant 20 poent). Breizhiz, int, zo en eil lodenn, Naoned
zo 14vet (11 poent) ha Roazhon 16vet (11 poent). |
|
|
|
|
|
|
Me
and you and everyone we know (Moi,
toi et tous les autres) |
|
|
Stadoù-Unanet
- 2005 Senario
ha seveniñ : Miranda July Kamera
aour e Festival Cannes 2005 Priz
Ispisial ar Strollad-barn evil ur sell divoutin e Sundance Film Festival O
tispartiañ diouzh e wreg emañ Richard Swersey
(John Hawkes). Ha setu eñ oc’h
annezañ en ur c’harter nevez gant e zaou vugel.
Christine Jesperson (Miranda July), un arzourez
virvidik, a glask tostaat outañ d’ar mare-se.
En-dro d’an daou-se e vez dizoloet un toullad
tudennoù a galsk skoulmañ darempredoù
gant ar re all. Un
dudenn tost a-walc’h outi hec’h-unan a zo bet
ijinet ha c’hoariet gant Miranda July, anat. Ur arzourez a ra
gant meur a zoare arzel eo, ha boas eo da wiskañ ar gwirvoud
gant dilhad he hunvreoù evel ma ra Christine er
film-mañ. Poellek eo e vefe bet anavezet dibarded Me and
you... er Festival Sundance, ken diaes eo e rummañ.
Plediñ a ra ar film gant ar mod ma klask an den
kejañ ouzh tud all er bed a-vremañ a
c’hellfed lavaret, ha sebezus eo gwelet pegen alies e vez
lakaet skrammoù etrezo a-benn ar fin :
skrammoù an urzhiataerioù liammet ouzh ar
Genrouedad, re ar pellgomzerioù-chakot, re ar
skinwelerioù, h.a. Bez’ e c’heller en em
soñjal war ar skramm zo etre Miranda July hag
hec’h arvestourien neuze... “I am so
close...” emezi. Evit
gouzout muioc’h : www.moitoilefilm.com |
|
|
|
|
|
|
Celtomania :
ur gouel liesseurt |
|
|
En
dibenn-sizhun-mañ eo kroget Celtomania e Bro Naoned. Betek
an Evit
gouzout hiroc’h : http://www.acb44.fr.st |
|
|
|
|
|
|
Gwastilli
giz-Naoned (bottereaux) |
|
|
Danvez
evit 8 den Meskit
ar goell gant un bannig laezh bet klouaret. Grit
ur feunteun gant ar bleud, ha bannit en he c’hreiz ar
peurrest eus al laezh klouaret, ar goell, ar vioù, ar sukr
hag an holen. Meskit. Basit an toaz gant startijenn. Ouzhpennit an
amann blot en diwezh. Laoskit da goeñviñ. Dleout
a ra an toaz dont da vezañ div wezh brasoc’h.
Adveskit ha lakait da freskaat e-pad div eur d’an
nebeutañ. Ledit
an toaz ( |
|
|
|