|
|
|
|
|
|
|
|
|
|
26 a viz Gwengolo
2005, niv. 68 Pellgargit ar pennadoù e stumm Word |
|
|
|
|
|
|
|
|
|
|
|
|
|
|
|
Manifestadeg
e Sant-Nazer |
|
|
|
Gant
Breizh Unvan e vo aozet ur vanifestadeg d’ar Sadorn 1añ
a viz Here e Sant-Nazer. Aet e oa ar gevredigezh Breizh Unvan e
darempred gant dilennidi Kuzul-rannvro Breizh ha Kuzul-rannvro
Broioù-al-Liger a-raok an hañv. Diwar ar pezh o
deus klevet e izili, o deus divizet aozañ ur vanifestadeg
evit degas da soñj ar stourm kaset ganto evit unvanidigezh
velestradurel Breizh. Evit Breizh Unvan ned a ket an dilennidi pell
a-walc'h war an dachenn-se. Da
3 eur goude merenn, e-kichen bon splujerezioù Sant-Nazer, e
vo an emgav. Dibabet eo bet kêr Sant-Nazer gant ar
gevredigezh evit diskouez mat ez eo al Liger-Atlantel a-bezh zo
breizhat. Disklêriet o deus ivez e oa
diaesoc'h-diaesañ ober anv eus breizhadelezh Sant-Nazer. E
penn-kentañ miz Gwengolo en deus maer PS Sant-Nazer, Joel
Batteux, kinniget cheñch anv Sant-Nazer. Soñjet
en deus e "Saint-Nazaire-sur-Mer", rak hervez sontadegoù ne
vefe ket komprenet gant an estrenien emañ Sant-Nazer en
arvor. http://www.mairie-saintnazaire.fr/decouvrir/Saint_Nazaire_Sur_Mer.htm |
|
|
|
|
|
|
|
|
|
|
|
Korventennoù
drastus a-leizh : Katrina ha Rita |
|
|
|
Tremenet
eo ar gorventenn veur Katrina war Louiziana un nebeud
sizhunioù zo. Distro eo kêr
Orleañs-Nevez d’he stad naturel : ul
lenn-dour. Aligatored, naered ha rinkined o deus adkavet o annez orin.
N’eo ket sur c’hoazh eo trec’h an natur
en taol-mañ. Er
vro-hont e oa pladennoù-petrol war vor,
purerezhioù hag uzinoù kimiek war an douar.
Drailhet int bet tout gant Katrina. Eoul-maen ha produioù a
bep seurt a zo bet lezet da vont. Ne oarer ket re vat petra eo deuet da
vezañ ar greizenn nukleel a oa er
c’hornôg da Orleañs-Nevez.
Riskloù bras a gleñvedoù-red a zo. Nevez
zo ez eus bet ur gorventenn all, Rita, o tegas freuz e Texas hag e
Louiziana, dres e-lec’h ma vez produet petrol gant ar
Stadoù-Unanet. N’eus ket bet kement a zistruj ha
gant Katrina, met kalz a zismantroù zo bet memestra. Hag
ouzhpenn-se ne oa ket bet amzer da adsevel an traoù goude
drast Katrina : n’eo ket sur e c’hello
kêr Orleañs-Nevez dont en-dro evel ma oa a-raok an
div gorventenn. Koulskoude
ne vez ket kaoz eus adtommerezh an hin e Washington gant ur gouarnamant
hag a nac’h sinañ protokol Kyoto
c’hoazh. Padal, seul dommoc’h an hin, seul
greñvoc’h ar c’horventennoù
da zont. Emichañs e cheñcho politikerezh ar
Stadoù-Unanet e-keñver an natur goude an
dizeurioù bras-se. Mod all e c’hellfe
bezañ eus seurt skouladoù
aliesoc’h-aliesañ. Ha ne vo ket an natur hepken a
vo da damall ar wezh-mañ. pladenn-petrol :
plate-forme pétrolière purerezh :
raffinerie dizeur :
désastre |
|
|
|
|
|
|
|
|
|
|
|
Tro-Vinic'hi
ar Vro Bagan |
|
|
|
Lidet
e vez er c'houlz-mañ 40 vloaz krouidigezh ar gevredigezh Ar
Vro Bagan. Diwar ar gevredigezh-se (a stourme evit ar sevenadur met
ivez an armerzh, an endro, ar gwirioù sokial...) eo bet
ganet ar strollad c'hoariva renet gant Goulc'han Kervella. D'ar Sul Evit
gouzout hiroc'h : Ar Vro Bagan, pgz :
02 98 04 50 06. |
|
|
|
|
|
|
|
|
|
|
|
Kib
basket an Euro : aet ar maout gant Gres |
|
|
|
E
kêr-benn Serbia, Beograd, e oa bet aozet an Euro-2005 Basket.
Ar vedalenn aour zo aet gant skipailh Bro-C'hres. Trech eo bet war
skipailh Alamagn dec'h, 78-62. Ar vedalenn arc'hant a ya gant Alamagn
memes tra. Krogad all lodenn ziwezhañ an Euro- Sed
amañ podiom an Euro-2005 Basket : 1. Gres 2. Alamagn 3. Frañs 4. Spagn 5. Lituania 6. Slovenia 7. Kroatia 8. Rusia 9. Serbia-Montenegro 10. Israel 11. Italia 12. Turkia 13. Bosnia 14. Latvia 15. Bulgaria 16. Ukraina |
|
|
|
|
|
|
|
|
|
|
|
Le
Parfum de la Dame en Noir |
|
|
|
Frañs
- 2005 Senario
ha seveniñ : Bruno Podalydès Diluziet
eo bet kevrin ar gambr velen (Le Mystère
de la Chambre Jaune, 2003) gant Rouletabille (Denis
Podalydès). N’eo ket echu
troioù kaer tudennoù an istor-se koulskoude.
Lazhet eo bet Larsan / Ballmeyer (Pierre Arditi) en
ur gwallzarvoud nebeut a-raok eured Mathilde (Sabine Azema)
ha Darzac (Olivier Gourmet). Amprouet e vo
skiant-vat Rouletabille eno a-nevez. Ha marv eo Larsan e
gwirionez ? Deuet
e oa brav e azasadenn eus Le Mystère de la Chambre
Jaune gant Bruno Podalydès daou vloaz zo.
Kendrec’het e oa bet an arvestourien gant liv Tintin en doa
ouzhpennet da istor Leroux a-benn lakaat lusk ennañ.
N’eus netra nevez e rekipe Le Parfum de la Dame en
Noir ; graet eo ar soubenn gant ar memes
aozennoù. Plijus ha dudius eo ar film kentoc’h,
daoust ma c’heller kavout pounner arvestoù zo. |
|
|
|
|
|
|
|
|
|
|
|
John
Peel Day |
|
|
|
Ur
bloaz zo eo marv John Peel. DJ brudetañ ar BBC e oa.
Gouestlet en doa e vuhez d’ar sonerezh hag e-pad un 40 vloaz
bennak en deus lakaet ar re a selaoue e abadenn da zizoleiñ
a bep seurt strolladoù, pe doareoù
sonerezh : reggae, punk, post-punk, elektro, digor-tre e oa e
spered. Gant
ar Peel Sessions o deus gellet ur bern
strolladoù dont da seniñ peder
c’hanaouenn e studioioù ar BBC. Ar Sessions-se
a veze skignet war-lerc’h, hag embannet ivez war
bladennoù. A-benn
an Ur
bladenn da enoriñ John Peel a zo war ar stern ivez, warni e
vo kavet : Blur, The Clash, Joy Division, The
Ramones : en holl 40 kanaouenn. Un
abadenn ispisial a vo skignet gant BBC 1 d’an 13 diouzh an
noz azalek 8 eur
noz. Evit klevout an abadenn : http://www.bbc.co.uk/radio1/listen/ Evit
gouzout hiroc’h : http://www.bbc.co.uk/radio1/alt/johnpeel/johnpeelday/ |
|
|
|
|
|
|
|
|
|
|
|
Tinto
Absoluto |
|
|
|
Ur
farder vodka eus Sveden, Absolut, a fell dezhañ mirout ouzh
ur gwinier eus Perpignan da envel unan eus e winoù Tinto
Absoluto. Emañ
Jean-Philippe Baille, 30 vloaz, o paouez adtapout tachenn e dad. Dre ma
vez start an traoù gant ar c’henwerzh, en deus
divizet gwerzhañ produioù zo war-eeun. Gant ar
preder da vodernaat neuz ar boutailhadoù, en deus choazet un
dikedenn nevez. Hag un anv, skeudenn e win, son brav ar
c’hatalaneg ennañ : "E
katalaneg, ha tomm omp ouzh hor yezh, a c’hellit
krediñ, e vez graet eus al liv ruz da vat "Tinto Absoluto." An
dikedenn ruz ha du zo bet kinniget d’an INPI (Institut
National de la Propriété Industrielle).
Souezhusat tra : an embreger Absolut a sav klemm peogwir e kav
dezhañ e ra droug d’e anv. "N’eo
ket ar Svediz a viro ouzhimp da impliijout hor yezh memestra !"
eme J-P Baille. Emañ o vodañ ur skipailh tud evit
difenn e wirioù, dastumet e vez sinadegoù, hag ul
lec’hienn internet zo bet savet. An
INPI a zlefe reiñ ur respont e kerzh miz Here. Evit
gouzout hiroc’h : www.tintoabso.com |
|
|
|
|
|