|
|
|
|
|
|
|
|
|
|
19 a viz Gwengolo
2005, niv. 67 |
|
|
|
|
|
|
|
|
|
|
|
|
|
|
|
Trec'h
ebet e dilennadeg Parlamant Alamagn |
|
|
|
E-kerzh
ar sizhunvezhioù dremenet e oa bet start ar jeu etre
strollad Kañseller kozh Alamagn, Gerhard Schröder
(SDP) hag Angela Merkel (CDU) eus kostezenn zehou ar
gristenien-demokratour. Abaoe ur pennad ez ae fall an traoù
evit gouarnamant Schröder, kollet fiziañs ul lodenn
vras eus poblañs Alamagn enno. Divizet e oa bet gant ar
C'hañseller aozañ dilennadeg ar Parlamant en
a-raok, a-benn reiñ tro d’an Alamaned da
cheñch penn d'ar vazh ma felle dezho (77,7 % eus an dud
enskrivet o deus mouezhiet). Ken start all e oa an traoù
goude an disoc'h ! N'eus nemet 3 sez diforc'h etre SPD
Schröder (222 sez) ha CDU Merkel (225 sez). Berzh zo bet graet
gant strolladoù bihanoc'h, evel frankizourien an FDP (61
sez), pe radikalourien an Linkspartei (kostezenn gleiz) gant 54 sez. 51
sez zo aet gant ar Re C'hlas. Startoc'h c'hoazh e vo ar miz da zont
evit Gerhard Schröder hag Angela Merkel. Klask a raint sevel
emglevioù gant ar strolladoù all.
Disklêriet o defe o-daou bezañ prest da gomz gant
an holl strolladoù all, war-bouez al Linkspartei. Evit kaout
ar muiañniver e Parlamant Alamagn e rank ur gostezenn kaout
307 sez. Kregiñ a raio ar gannaded nevez gant o labour d'an |
|
|
|
|
|
|
|
|
|
|
|
Bretagne
Vivante a sav klemm a-enep Total |
|
|
|
Digwener
e tisklêrie ar gevredigezh Bretagne Vivante e save klemm
a-enep daou embregerezh eus Total evit marv 740000 evn da vare
peñse an Erika. Goulennet e vez ganto 11 milion a
euroioù digant Total evit bezañ "noazet
ouzh an endro" ha 68806 euro evit digollañ an dafar implijet
evit klask saveteiñ an evned peget er mazout. Divizet
o deus tud Bretagne Vivante sevel klemm a-enep perc'henn ar fioul e oa
e bourzh an Erika. Total International Ltd (stalied en Inizi Bermuda)
ha SA Total Raffinage Distribution (staliet e Frañs) zo
tamallet gant ar gevredigezh neuze. Embregerezhioù dindan
dalc'h SA Total int. Ranket o deus tud ar gevredigezh vreizhat
jediñ talvoudegezh an evned. Diwar an dispignoù
zo bet graet ganto abaoe 20 vloaz evit mirout bev al loened hag ar re
graet e 2004, e teu ganto ar sifr a 300 euro evit ur c'houblad
evned-mor. Embannet o deus izili Bretagne Vivante o doa spi e vefe
aozet ur prosez a-benn fin 2006. Met lavaret o deus ivez e oa
kement-mañ un arouez, dreist da bep tra, evit stourm a-enep
ar saotrerien. |
|
|
|
|
|
|
|
|
|
|
|
Barzhaz
ha kanaouenn e Karaez |
|
|
|
Disadorn
e oa bet aozet ur c'hendalc'h etrebroadel e Karaez, dindan renerezh
Frañsez Favereau. Ar c'hollok lennegel-se a oa gouestlet da
arz ar Varzhoniezh hag ar C’han. War Leurenn Glenmor e oa bet
kaset da-benn an divizoù o deus bodet skolveuridi eus Breizh
koulz hag Arabed, Euskariz, Galiziz, Korsikiz, Okitaniz... Klozet e oa
bet an devezh gant ur sonadeg gant arzourien vrezhoneger
a-feson : Nolwenn Korbell, Yann-Fañch Kemener,
Louis-Jacques Suignard, Erik Marchand... |
|
|
|
|
|
|
|
|
|
|
|
Gwallzarvoud
e Rallye Breizh-Veur |
|
|
|
Lazhet
eo bet ar Saoz Michael Park dec'h, e Kêrdiz, e 15vet redadeg
ispisial Rallye Breizh-Veur. Kensturier ar bleiner estonat Markko
Martin (Peugeot 307) e oa Michael Park. Aet karr an daou zen da
skeiñ a-benn en ur wezenn, war an tu dehou, da 110 km/eur.
Abaoe 12 vloaz ne oa bet lazhet den ebet e-kerzh Kampionad ar Bed Rally
(ar c'hensturier Rodger Freech, en Aostralia). Da
ziskouez kañv da v-Michael Park eo bet nac’het o
zrec'h gant ar Finlandad Marcus Gronholm (3e) hag ar Gall
Sébastien Loeb (1añ), dec'h. Gant an eilvet
Petter Solberg (Norvegia) eo aet priz Rally Breizh-Veur neuze. A-benn
pemzektez e krogo redadeg Japan. Ne ouier ket c'hoazh ha kenderc'hel a
raio skipailh Peugeot Sport hag ar blenier Markko Martin gant Kampionad
ar Bed. |
|
|
|
|
|
|
|
|
|
|
|
Broken
flowers |
|
|
|
Stadoù-Unanet
- 2005 Senario
ha seveniñ : Jim Jarmusch Un
Don Juan war an oad eo Don Johnston (Bill Murray) ;
Johnston gant un "T" evel "tata". Strafuilhet eo c’hoazh gant
kimiad Sherry (Julie Delpy), e vestrez
diwezhañ, pa resev ul lizher roz dizanv a gemenn
dezhañ eo tad d’un den yaouank naontek vloaz.
Atizet eo gant e amezeg "Sherlock" Winston (Jeffrey Wright) da
vont dreist e zinerzh evit ober tro ar maouezed en doa darempredet un
ugent vloaz bennak zo. Burutelladennoù
eus ar re veulusañ a glever diwar-benn Broken
flowers ha n’int ket gevier. Un den aet kozh
didouell ha leun a velkoni eo tudenn Bill Murray. Tennañ a
ra an Don-se da vBob, tudenn Murray e Lost in Translation,
e gwirionez ; blaz an “déjà
vu” a vefe war ar film a gav deoc’h ?
N’eus ket, a-drugarez da skiant Jim Jarmusch a oar lakaat an
arvestourien da vevañ disterañ santad Don gant
nebeut a draoù. Ral a wech ez eus bet krouet
liammoù ken strizh etre an dudenn bennañ hag an
arvestourien, gwir sinema eo. |
|
|
|
|
|
|
|
|
|
|
|
Ladytron
– The Witching Hour |
|
|
|
Embannet
gant Island 3e
albom Ladytron. Evit ma vefe sachet evezh ar selaouerien e rank ar
pladennoù kregiñ gant tonioù a-feson.
Kudenn ebet amañ : High Rise
(evit enoriñ JG Ballard ?), un tañva eus
fin ar bed, ur riboul e-kreiz ul labouradeg houarn, pe un dra bennak
evel-se. An trede albom, neuze. Poent cheñch ar son un
tammig, neketa ? Ha cheñchet eo. Ma chom elektro an
tonioù, eo ledanaet doare Ladytron da
seniñ : ar gitar tredan a vez klevet mat-tre, hag
an taboulinoù a son e-giz taboulinoù gwir.
Tonioù zo a zo sioul a-walc’h (Destroy
Everything You Touch, daoust d’an titl,
hañ), re all a zo savet war batrom an ton
kentañ : Sugar, ar single
kentañ a zo DIREBECH. http://www.ladytron.com/site.php Video
Destroy Everything You Touch : |
|
|
|
|
|
|
|
|
|
|
|
Muffins
temzet gant chokolad |
|
|
|
Danvez
evit 6 den Kinklañ :
12 steredenn aniz. Raktommit
ar forn da Lakait
ar chokolad da deuziñ er skinforn pe en ur gastelodenn.
Tennit diwar an tan. Ouzhpennit an amann en ur veskañ mat
evit flouraat ar meskaj. Meskit ar bleud gant an temz hag ar goell. En
ur besel, basit ar vioù gant ar sukr betek ma teufe ar
meskaj da vezañ div wezh brasoc’h. Ebarzhit ar
bleud, hag, en ur veskañ bepred, ar meskaj chokolad hag
amann teuzet. Lakait
an toaz e daouzek moull evit ar muffins : moulloù
bihan ront 7 kantimetrad ledander graet diwar paper-poazhañ,
ha n’eo ket ret amanennañ anezho, pe
moulloù dibeg a vo ret amanennañ un tammig. Lakait
ur steredenn aniz e-kreiz pep kouign ha lakait er forn. Diskennit an
tommder da |
|
|
|
|
|