|
|
|
|
|
|
|
3 a viz Mae 2004, niv. 11 |
|
|
|
|
|
|
|
|
|
Europa
Bundo, evit difenn ar gwirioù yezhel |
|
|
D'an
9 a viz Mae 2004, devezh Europa, e vo aozet e Strasbourg, e-kichen
Parlamant Europa ha Kuzul Europa, ur vanifestadeg gant meur a
gevredigezh, EUROPA BUNDO, da lavaret eo "Europa Liesliv" en
esperanteg, evit difenn an demokratelezh yezhel en Europa d'ar mare
m'emañ an Unvaniezh oc'h en em astenn war-du ar Reter.
Soñjal a ra da aozerien ar vanifestadeg-se e teuio
kreñv pouez an teir yezh c'halloudusañ e
frammoù politikel Europa, hag a-nebeudoù hini
unan anezho hepken diwar goust ar yezhoù all ma ne vez graet
netra evit doujañ ar gwir roet d'an holl Europiz d'ober gant
yezh o c'halon. Kregiñ a raio ar vanifestadeg da 9 eur ha
kemer a raio perzh enni an holl gevredigezhioù a implij an
esperanteg en Europa ha kevredigezhioù a zifenn
gwirioù yezhel ha sevenadurel
poblañsoù liesseurt. Evit bezañ efedus
e rank an aozerien sachañ tud eus an holl vroadoù
a gaver en hor rannved rak lakaet e vo anat evel-se e c'heller
bodañ an dud hep mirout outo da vezañ
disheñvel an eil re diouzh ar re all. |
|
|
|
|
|
|
E
koun ar pesked |
|
|
War
an hent da vezañ riñset emañ ar
morioù bras a ra 70% eus hor planedenn.
Nebeutoc'h-nebeutañ a besked zo ha pesketaet e vezont gant
flodadoù batimantoù
efedusoc'h-efedusañ. Lakaet e vez an hale-grap war pesked ar
bed gant ar peskerezhioù greantel. Evit ma vefe pesked e
stalioù broioù an Hanternoz c'hoazh e rank ar "
Fish & Chips " serriñ en Afrika ar Su, ne c'hell ket
an dud e Bro-Senegal debriñ merou ken ha marnaoniet eo ar
reuniged e Greunland. A-benn nebeud ne c'hellimp ket debriñ
moru ken : da netra ez a ar ouenn. |
|
|
|
|
|
|
10
devezh arz a-vremañ e Breizh |
|
|
Er
C’hwec’hkorn e vez aozet an dek devezh evit an arz
a-vremañ. Setu al lec’hioù men
e c’heller dizoleiñ traoù e Breizh : |
|
|
|
|
|
|
Rugby |
|
|
Setu
echu kampionad rugby Bro-C'hall (an Top 16)goude un devezh
diwezhañ leun a souezhadennoù. Bremañ
e krogo ar "play-off" (evit ar re greñvañ) hag ar
"play-down" (evit ar re wanañ). E rummad A ar play-off e vo
kavet Bourgoin, Perpignan, Castres ha Beziers met ar rummad B a seblant
bezañ kalz dedennusoc'h gant Tolosa, Biarritz, Brive hag ar
Stade Français (skipailh Pariz). Ar Stade
Français hag a zo kampion Bro-C'hall ar bloaz paseet (skoed
Brennus a oa aet ganto) a zo bet rediet da c'hortoz gounit ar match
diwezhañ evit tremen justik-justik... Setu perak e weler mat
Tolosa pe Biarritz o c'hounit ar bloaz-mañ. |
|
|
|
|
|
|
Mondo
Mulloy |
|
|
Breizh-Veur
- 1991/2001 |
|
|
|
|
|
|
Lazoù-kouevrennoù
Breizh bodet e Noal-Muzilheg |
|
|
Disadorn,
d'an 8 a viz Mae, e vo Noal-Muzilheg o tegemer kenstrivadeg rannvro
Bro-Frañs al lazoù-kouevrennoù
(fanfares). Emdroet eo seurt strolladoù sonerezh e-kerz ar
c'hantved diwezhañ en ur binvidikaat gant
rolladoù tonioù stummoù lies-kaer.
Peadra, gant ar binviji kouevr, da ober diouzh forzh peseurt ton
klasel, jazz pe rock, deus hengoun ar vro pe deus tu all ar blanedenn. |
|
|
|
|
|
|
An
heol, un hoalus a enebour. |
|
|
An
nevezamzer zo erruet, gant e vannoù-heol kentañ.
Plijus-meurbet eo tommañ e groc'henn en-dro outo, met da
ziwall zo memes tra. Un enebour daonet eo an heol evit hor c'hroc'henn
hag hor blev. Ar merc'hed eo ar c'hell bezañ paket en doare
grevusañ peogwir eo finoc'h o c'hroc'henn. Ne dalvez ket ne
zle ar baotred ober netra ! Ouzhpenn da se, n'eo ket peogwir
eo koumoulek an amzer ne c'heller ket bezañ skoet. N'eo ket
dister an heuliadoù : krign-bev ar c'hroc'henn zo spontus.
Neuze, lakait dourennoù-rouzañ pe
eouloù diouzh ho liv. Ha lakait kalz ! Peurliesañ
ne lakaer ket a-walc'h. Difennet e viot diouzh droug an heol. Bez' ez
eus miliadoù a broduioù mat da werzhañ
ha reoù marc'had-mat en o zouez. Evit ho plev, choazit
eouloù pe maskoù magañ ha gwarezi. Ne
goshaio ket ken buan ho kroc'hen hag ho plev a chomo lufrus... dindan
bannoù un heol dinoaz ! |
|
|
|