|
|
|
|
|
|
|
|
|
|
Lun 9 a viz Meurzh, niv.229 Pellgargit
ar pennadoù e stumm Word Evit resev kemennadenn nevez Bremaik bep Lun, |
|
|
|
|
|
|
|
|
|
|
|
|
|
|
|
Daou soudard saoz lazhet e Norzh Iwerzhon |
|
|
|
|
|
|
|
|
|
Daou soudard saoz zo bet lazhet disadorn da noz, e
Massereene, da 25 km eus Belfast. Ouzhpenn an daou soudard bet lazhet gant
tennoù mindrailherezigoù, e vefe bet gloazet daou soudard saoz all ha daou
zegaser pizza a oa o kas boued d'ar c‘hazarn. Embannet en defe ar
strollad "IRA-gwirion" bezañ kiriek eus an tennoù. Un disrann eus
Arme Republikan Iwerzhon eo "IRA-gwirion" bet savet e 1997.
Anavezet eo evit bezañ aozet unan eus grevusañ gwalldaolioù Iwerzhon, e Omagh
e miz Eost 1998, a lazhas 29 den. Diouzhtu eo bet gouarnamantoù Londrez,
Dulenn hag hini Norzh Iwerzhon oc‘h embann e oa aze un dagadenn a-enep
argerzh ar Peoc'h en Iwerzhon. Abaoe Mae 2007 emañ ar Sinn Féin hag ar
Strollad unanour demokratour bodet e gouarnamant Norzh Iwerzhon. "Fellout
a ra dezho distruj argerzh nevez ar Peoc'h ha degas ar brezel en-dro en
Iwerzhon" eme Gerry Adams, prezidant Sinn Féin, diwar-benn aozerien ar
gwalldaol.
|
|
|
|
|
|
Lanv du: en Amazonia ivez ! |
|
|
|
Eil tuellenn vrasañ ar vro eo hounnezh. Gant
Reuters ez eus bet embannet e vefe dalc'het e bromesaoù pourvez memes tra
gant an embregerezh. Pa vez saotret ar stêr penn-da-benn e soñjer c'hoazh
e-barzh gounidoù an embregerezh! N'eo ket ar wech kentañ e sav kudennoù gant
an eoul-maen en Amazonia, gant kementadoù ken bras o tremen. Ur prosez a zo
dija savet gant 30000 den a-enep da Chevron, evit ar 60 milion a litradoù
eoul-maen skuilhet a-hed e 30 vloaz oberiantiz. Hennezh, gant ar c'hementad
eoul-maen a zo bet skuilhet, a zo spontusoc'h a-bell eget gwallzarvoud an
Erika du-mañ. M.M. |
|
|
|
|
|
Dimerc'her e fin ar miz tremenet ez eus tarzhet un
duellenn eoul-maen, ha skuilhet 2 vilion a litradoù eoul-maen e-barzh stêr
Santa-Rosa, e-kreiz koadeier Amazonia. Hervez OCP, an embregerezh a ra
war-dro, ez eus 350 den oc'h ober war-dro ar gwallzarvoud abaoe an
darzhadenn. Roet ez eus bet dour yac'h da evañ d'ar boblañs a oa o chom
e-kichen ivez. Hervez OCP eo "naturel" orin ar gwallzarvoud, met
diaes eo gouzout daoust hag-eñ ne zeu ket diouzh fazi un den.
|
|
|
|
|
|
Ur murlivadur evit mil bloaz
Kastell-Geron |
|
|
|
Evit gouzout hiroc'h : |
|
|
|
|
|
Emañ kumun Kastell-Geron o paouez boulc'hañ lidoù
milvet deiz-ha-bloaz krouidigezh ar gêrig eus Breizh-Uhel, e gevred Roazhon.
Brudet eo evit ar c'hastell-kreñv zo pintet war un dosenn e-kreiz ar bourg.
Etre miz Meurzh ha miz Du 2009 e vo kinniget leun a abadennoù liesseurt e
Kastell-Geron. Ul lodenn vras anezho o vezañ gouestlet d'ar Grennamzer. Ur
raktres all zo, a-benn lezel ur roud ouzhpenn gant tud ar gêr d'ar rummadoù
da zont. Ur murlivadur meur a vo savet gant un arzourez eus ar vro. Pal ar
murlivadur zo kinnig istor Kastell-Geron a-hed ar c'hantvedoù. War ur foñs
sklaer, gantañ neuz ar c'hanab, e vo ur wagenn zu, arouez red an amzer, a vo
kizellet warni tresoù a dalvezo evit darvoudoù istor kêr. Tu a vo da familhoù
Kastell-Geron goulenn e vefe skrivet o anv familh war ar murlivadur. Ur perzh
20€ zo bet goulennet evit kaout e anv engravet war unan eus
karrezennigoù ar murlivadur. Ha ne vo tu nemet da 240 familh sevel ar
goulenn-se! Digor eo an enskrivadurioù betek ar 7 a viz Mae. Adalek miz Even
e ranko an arzourez poazhañ he oberenn. Diskouezet e vo da c'houde ar
murlivadur en unan eus salioù ar c'hastell.
|
|
|
|
|
|
Mell-droad:
Gwitreg a-enep Gwitreg |
|
|
|
Evit
gouzout hiroc'h: |
|
|
|
|
|
Ur perzh
souezhus zo gant kêr Gwitreg e-keñver mell-droad. Daou skipailh zo du-se hag
a vez o c'hoari er rann CFA (Kampionad Frañs Amatour), an hini uhelañ e Frañs
evit an amatourien. Nevez zo ez eus bet kaoz eus Gwitreg e Kib Frañs, en
eizhvedenn-diskoulm, lec'h m'eo bet trec'het AS Vitré gant kleub Sedan d'ar 5
a viz Meurzh. Disadorn e vo reuz er gêr-greñv: c'hoari a raio AS Vitré a-enep
La
|
|
|
|
|
|
|
Bellamy |
|
|
|
Frañs
– 2009 Senario
ha seveniñ : Claude Chabrol
Evel ur
film da enoriñ Simenon eo kinniget Bellamy ha gwir eo e teu Chabrol
a-benn da lakaat perzhioù istorioù polis ar skrivagner en o barr gant an
abadenn-mañ. Ne ra ket van bezañ dedennet gant korvigell an afer zoken: amañ,
evel e romantoù Simenon, ar pezh a gont eo diskoachañ anien tudennoù
n’int na du na gwenn met “fifty fifty” evel an holl.
Pinvidik eo ar steuñvenn eta met komedianed a-feson en dez Chabrol ezhomm en
e filmoù evit lakaat e senarioioù en o bleuñv. Feiz, ur bagad eus an dibab en
deus bodet an taol-mañ, ha Depardieu dreist ar re all: pell zo n’en doa
ket gwisket chupenn un dudenn gant kement a blijadur, anat. Meriadeg Vallerie Kement ha gouzout hiroc’h : |
|
|
|
|
|
|
|
Un
den drol zo o kantren
|
|
|
|
|
|
Art Rock – 28-31 a viz Mae e
Sant-Brieg |
|
|
|
A-fet sonerezh int deuet
a-benn da bediñ arzourien eus an dibab. Rock indie a vo kinniget a-hed ar
gouel gant The Kooks, Bloc Party, Ting
Tings (skeudenn), Cold War Kids ha Maximo Park.
A-fet sonerezh elektro e vo peadra ivez: Tricky, Birdy
Nam Nam (diaes e vo tremen hep gwelout anezho er bloaz-mañ), hag ar
meskaj elektro-rock a vo kinniget ivez gant Success ha Mon
Automatique. Sioul ha brav e tlefe bezañ ivez abadenn Get Well
Soon, ur berlinad en deus savet ur bladenn levezonet gant ar pep
gwellañ eus ar sonerezh saoz hag amerikan. Tu a vo da glevout ivez I'm
From Barcelona (sonerezh pop), Cage the Elephant, Radio
Moscow (rock gagare) hag Ebony Bones (a vez keñveriet
gant The Clash) ha Chad VanGaalen (sonerezh folk). R.M. Pass tri devezh (holl
abadennoù eus ar Gwener d'ar Sul): 68 euro, 30 euro an
nozvezh. Muioc'h a Art Rock : |
|
|
|
|
|
Setu, lañset da vat koulzad
gouelioù sonerezh an hañv. Er sizhun dremenet eo bet embannet programm Art
Rock. Evel boaz e kinnig an aozerien deomp ur gouel diazezet war meur a dra:
sonerezh koulz ha diskouezadegoù arzoù niverel, krouidigezhioù ispisial (cirKus
kaset gant Neneh Cherry), abadennoù savet asambles gant skipailh
Arte ha dañs (Obsession – Un chien A).
|
|
|
|
|
|
War hent ar Starak... |
|
|
|
Ar pezh zo rekis evit kemer perzh e Starak 2009: - ma vo ur sonenn/ur sketch berr/un c'hoari berr
nevez flamm pe troet nevez zo e brezhoneg (ur sonenn vrudet da skouer) - ma vo ar ger "Heol" en ur lec'h bennak - ma vo implijet ur loa vihan er pezh a vo graet Ar pezh n'eo ket ret-groñs met a vo daet mat get
ar menestin juri a vo eno: - ma vo komprenapl ho traoù - tammoù katev ha boued c'hwek a gement seurt zo
tout ! Un tem zo roet ar blez-mañ: ar c'hemmadurioù dre
galetaat e krennvrezhoneg. Ma ne blij ket an tem-mañ, setu unan arall:
"Ar vuhez". Marse a-walc'h e vo aesoc'h. Evit gouzout hiroc'h: Kerlenn Sten Kidna, pgz: 02 97 29 16 58. Abadenn Skrabell gant Sav-Heol e
Roazhon
Mark.kerrain@free.fr Lennit Bremañ miz Meurzh
An
teuliad peder fajennad zo gouestlet d'ar produiñ tredan. Embannet en deus
Nicolas Sarkozy e vefe savet un eil, hag un trede marteze zoken, kreizenn EPR
e Frañs. Petra soñjal eus an hent kemeret gant ar Stad c'hall a ro ar plas
pennañ d'an nukleel evit produiñ gremm? Gouzout hiroc’h diwar-benn an
nukleel hag an tredan krouet diwar teknologiezhioù a denn splet eus
nerzh ar mor a vo tu d‘ober o lenn teuliad ar miz. Embannet
gant Skol an Emsav (4,5 euro an tamm) E
gwerzh er stalioù-levrioù a ginnig danvez Breizh, pe dre goumanant. Evit
gouzout hiroc'h: www.breman.org |
|
|
|
|
|
D'ar Gwener 3 a viz Ebrel e vo aozet evel bep blez
un nozvezh Starak get Kerlenn Sten Kidna, da 8e30 d'an noz e sal ar Bar
Breton e Brec'h. Goulennet e vo evel kustum get an dud donet get o sonennoù,
sketchoù pe istorioù. Ur juri a vo evel-just evit barn al labour ha priziañ
perzhidi wellañ ar Starak!
