|
|
|
|
|
|
|
Lun 16 a viz Genver,
niv. 83 Pellgargit ar pennadoù e stumm Word Petra
oa keleier Bremaik warlene? Klikit amañ! |
|
|
|
|
|
|
|
|
|
|
|
|
|
Garlantezioù
tredan ha diorren padus |
|
|
Echu eo gant Gouelioù Nedeleg,
skarzhet eo bet ar gwez-sapr d’ar blotoù hag
emañ an implijidi eus ar
c’hêrioù o tennañ ar
c’hinkladurioù tredan bet lakaet er
straedoù, betek ar bloaz a zeu. Ha tennet e vez ivez
kinkladurioù mod nevez : marteze ho peus merzet, abaoe un
nebeud bloavezhioù, e vez kinklet muioc’h-mui an
tier en diavaez gant garlantezioù tredan. Bremañ
zoken e vez aozet konkourioù gant an tier-kêr pe
gant ar stalioù bras evit reiñ ur priz
d’an tier ar bravañ sklerijennet diwar patrom an
“tier bleuniet” : tu zo bet da welet
Tadoù Nedeleg o skrapañ gant ar
murioù, stlejelloù sachet gant kirvi a vil-vern,
“Bloavezh mat” o vlinkañ pe me oar me.
Ha brav eo pe get ? Se zo hervez an dud. Ar pezh zo sur eo ez eo ret
produiñ muioc’h a dredan abalamour d’an
holl ginkladurioù-se : 10 metrad garlantez tredan a
implij e-korf ur miz kement hag ur yenerez e-korf ur bloaz... Pa vez
anv a veveziñ nebeutoc’h a energiezh abalamour
d’an enkadenn gant an eoul-maen pe ar gaz efed ti-gwer eo
sklaer n’a ket seurt kinkladurioù a-du gant an
diorren padus. |
|
|
|
|
|
|
|
Staj
"Gober e brezhoneg" e Pleuvigner |
|
|
Disadorn e vo kininget ur staj "Gober e
brezhoneg" gant ar gevredigezh Kerlenn Sten Kidna-Komzomp asampl.
Stalioù-labour a bep seurt a vo aozet : kanañ,
krochetiñ ha brochennat, kontiñ dre ar c'horf,
c'hoarioù en-dro d'an daol... Adalek 2 eur goude kreisteiz e
krogo an abadenn, e Skol gozh an Tanin. Tud eus ar vro a zeuio da gomz
gant ar stajidi : brezhonegerien a Bleuvigner, Landaol,
Brec'h, Pluergad... Priz
ar staj : digoust evit izili ar Gerlenn hag ar vugale dindan
12 vloaz. 5 euro evit ar studierien hag an dud dilabour. 10 euro evit
ar re all. Kas kroched, neud... Evit
gouzout hiroc'h :
02 97 29 16 58 pe
STENKIDNA2@wanadoo.fr |
|
|
|
|
|
|
|
Daou
rekord evit Haile Gebreselassie |
|
|
E Hanter-Maraton Phoenix,
Arizona, ez eus aet daou rekord bedel gant an Etiopiad Haile
Gebreselassie. 58'55" evit an hanter-maraton ha 55'48" evit ar redadeg An
trede rekord bedel eo evit Haile Gebreselassie, zo 32 vloaz. Hini an Kudennoù
yec'hed en doa bet koulskoude an Etiopiad e |
|
|
|
|
|
|
|
Good
night, and good luck |
|
|
Stadoù-Unanet
- 2005 Senario
ha seveniñ : George Clooney Un aergelc’h diskred
a rene er Stadoù-Unanet, e deroù ar
bloavezhioù 50, gant stourm taer ar senedour McCarthy a-enep
ar gomunourien. En e greñvañ e oa ar gwask-se e
1953, ken ma oa an holl o c’hortoz diskar McCarthy gant mall
met ne oa den evit krediñ talañ outañ.
Sevel ouzh ar senedour en deus graet Ed Murrow, ul lusker
abadennoù skinwel e ti CBS memes tra, gant ar mennet ma oa
da zisplegañ ar wirionez. Ar
sevener filmoù George Clooney zo dedennet-tre gant
metoù ar skinwel, anat : istor ul lusker bet
drouklazher a vicher oa abeg e film kentañ
c’hoazh. Evit enoriñ e dad a oa kazetenner skinwel
da vare McCarthy en deus savet Clooney e eil film. Manikean
kenañ eo an ton evel-just, met danvez an istor an hini eo a
zo kaoz. Eus tu ar gazetennerien e rent George Clooney kont eus red an
darvoudoù (ne vez gwelet McCarthy nemet dre
zielloù gwir, ur mennozh talvoudus eo). Nemet ha
rebechiñ dezhañ bezañ dibabet an tem
en deus dibabet ez eo diaes kavout abeg e Good night, and
good luck. Un
touell eo lavaret e tag ar film-mañ politikerezh Bush
avat ; chañsoù zo e vefe Syriana
(ur film gant an aktor George Clooney a zeuio er-maez a-benn fin miz
C’hwevrer) “politically incorrect-oc’h”. |
|
|
|
|
|
|
|
|
|
|
Distro
d’an diazezoù evit |
|
|
|
|
|
|
|
Ar
"Space Laser", ul lazer na lazh ket ! |
|
|
Setu ur c’hoari evit ar re a blij dezho
tennañ gant ur fuzuilh hep gloazañ den
ebet ! Da gentañ e vo ret deoc’h choaz ho
lesanv. Degouezhout
a reoc’h goude en ur mil-hent-dall bras-tre, war daou estaj.
Eno e vo ret deoc’h, gant ho skipailh, redek
war-lerc’h hoc’h enebourien. Ha pep tra en
deñvalijenn pe dost ! Arabat lakaat dilhad sklaer,
anat deoc’h, kuit da vezañ re aes da dizhout. Merket
e vo poentoù ganeoc’h pa dizhoc’h harnez
ar c’hoarierien all. Ha dreist-holl ma teuit a-benn da
zistrujañ o c’hreizenn. Kontet e vo ar
poentoù er fin gant an urzhiataer. 8
euro e koust ur bartiad 20 mn anezhi. Hag un distaol a vez graet ma
prenit partiadoù all.
"Space
Laser" "Laser
Game" "Laser
Game" Pennad
skrivet gant
liseidi klas kentañ e lise Jean Macé e Roazhon. |
|
|
|